【明報專訊】紮鐵工人罷工已經第n日，負責採訪的同事，日日跟一班紮鐵叔叔、紮鐵哥哥日曬雨淋，就快都可變晒紮鐵仔、紮鐵妹。香港人對個「佬」字一向都有少少歧視，「麻甩佬」、「鹹濕佬」，全部都唔係好�洁A但紮鐵佬這個名字，卻慢慢叫出一種味道﹕man的味道，好似自稱「紮鐵標」的標哥，就係一個好例子。

理工大學紮鐵工潮關注小組昨日舉行籌款活動，為生活有困難的紮鐵工提供小小支援，標哥亦有出席。身材瘦削、黑黑實實的標哥，外表粗粗魯魯，但不要以為他是老粗一名，佢曉得作曲作詞，係紮鐵界的音樂人。罷工期間，佢作�鬫h首樂曲，一方面為戰友打氣，又可以抒發情感。

他昨日亦有到理大唱自己所作的紮鐵歌曲，網上流傳已久的《紮鐵佬是好漢》，在他口中唱出來是另有一番味道，唱到最後一句「紮鐵佬是好漢，擔起頭家……才是好漢！」他的歌聲吸引到不少路過的師生駐足細聽，並紛紛報以熱烈掌聲。

問標哥是否學過音樂，但他的答案頗出人意表﹕「我無學過音樂，只是以前在內地買了一部電子琴回港，工餘時彈下彈下、填下填下，學人作曲填詞！」最可惜的是標哥並無為自己的作品做任何紀錄，否則可以出歌集亦說不定。

罷工超過1個月，標哥3名子女已經開學，他不諱言要問親友借錢過活，好彩太太仍有工作，尚可支持下去。