【明報專訊】沒菲傭的日子，學友做回「住家男人」的角色，到最近家�堣w改聘印尼籍傭人，終於他能擺脫「菲」的煩惱。雖然被菲律賓領事館列入黑名單，不過學友強調他不會「一竹篙打一船人」，只是覺得若不是發生在「張學友」身上，一定不會嚴重到變成報章的A1頭條，甚至是別人的笑柄。

其實有請過外籍傭工的家庭，好多都遇過傭人偷竊、借貴利、無故放假或失蹤等等情�G，這是請外籍傭人的一個後遺症，但學友的情�G似乎特別嚴重，為何不正式出來表態呢？

學友說﹕「我表態，又會畀人話我大『蝦』細，但現在無講過，一樣成為同行笑柄，連女兒學校的老師，有日見到我送女返學，就笑住話﹕『唔好再炒菲傭�苤I』無論她是講笑還是認真都好，我都好難受，為何會對我和太太如此不公平？我相信即使家�奡I有，抑或僅僅夠用的家庭都好，試問有誰願意把自己辛苦賺來的血汗錢，一次又一次用來買機票送走傭人？難道我貪得意，愛亂花錢？」

學友續道﹕「我又想再問，有誰願意自己屋企幾日換一個菲傭又亂七八糟？一個話我知不可以觸摸冬菇；一個就話我屋企太多樓梯唔想做；另一個更誇張，理由是見到隔籬屋懷疑有鬼，嚇親唔敢做。都是剛來幾天，我唯有叫她們自己辭職，但她們就不肯，怕不能再來，我只好送機票給她們走了，但結果呢？卻入我數是我無理解僱，我都想問究竟道理何在？是因為我報警揭發菲傭偷相片及偷看我的電腦內容，令對方判監就是我錯？但明明是法官以對方認錯態度來判決，我又不是法官，但又入我數，大家樂於只看事件的表面，永遠都不願看清事實。」