【明報專訊】仲間由紀惠飾演熱血老師馴服壞學生的日劇《我Miss係大佬》，在2002及05年播出首兩輯都收視強勁，成功吸納大批擁躉，上周六首播第3輯，收視率錄得26.4％，輕易成為今季冠軍。有傳木村拓哉主演的新劇Change，就是為了避開《我Miss係大佬3》而罕有地押後至下月12日首播，事實證明Miss仲間仍然夠惡，恐怕木村有排擔心了！
《我Miss係大佬3》繼續由極具觀眾緣的仲間由紀惠扮演Miss山口久美子，今季更伙拍多位注目新星，包括《14歲的媽媽》、《戀空》男星三浦春馬，以及偶像組合Hey! Say! JUMP成員高木雄也等，未播已掀起話題。新劇首播當晚，富士台以電影《魔盜王決戰鬼盜船》迎戰，可惜計劃失敗，《我Miss係大佬3》高開收視26.4％，比起排名第2的天海祐希Around 40及第3位Last Friends多出10％以上。不過，後者剛播出第2集的收視逐漸回升。反觀同樣以壞學生為題材的Rookies僅錄得12.2％收視率，可謂強弱懸殊。
《我Miss係大佬》系列曾捧紅不少男星，包括松本潤、小栗旬、龜梨和也及赤西仁等，首輯在02年首播時，收視只有18.3％未算特出，其後愈戰愈勇，結局收視高達23.5％。05年《我Miss係大佬2》更厲害，擊敗木村拓哉主演的《Engine飈風引擎》，結局錄得32.5％成為全年收視之冠。
今季木村再遇宿敵，他為富士台主演「月九」新劇Change，飾演年輕首相頗有新鮮感，但早前突然宣布延遲至下月12日首播，如今仲間先勝一仗，且看木村如何反擊了。
文：黃錦華
2008年4月22日 星期二
;){kind=small}
